Қазақстан халқы тілдері күніне орай балабақшамызда ересектермен мектепалды топтарына арналған тақырыптық әңгіме Тіл –халықтың қазынасы өткізілді. Балаларға ана тілі, мемлекеттік тіл және әртүрлі тілдерді құрметтеу туралы түсінік берілді. Бүлдіршіндерге тілдің адам өміріндегі маңызы қарапайым әрі қызықты түрде түсіндірілді.
Іс-шара аясында ата-аналарға арнайы ақпараттық жаднамалар таратылып, балаға ана тілін үйретудің және күнделікті қарым-қатынаста тіл мәдениетін қалыптастырудың маңызы айтылды.
Сонымен қатар балабақшада тақырыптық фотозона құрылып, балалар мен ата-аналар мерекелік көңіл күймен естелік суреттерге түсті.
Шараның мақсаты – бүлдіршіндердің ана тіліне деген сүйіспеншілігін арттыру, өзге тілдерге құрметпен қарауға тәрбиелеу және достық пен бірлікті насихаттау.
