15 наурыз – Қайырымдылық күніне орай балабақшамызда ересек және мектепалды топтарының тәрбиеленушілері арасында «Жақсы істер» акциясы ұйымдастырылды.
Акция аясында балалар табиғатқа қамқорлық танытып, құстарға көмек көрсету мақсатында құстарға арналған жем салғыштар жасап, оларды аулаға орналастырды. Сонымен қатар, балалар арасында “Досыңа көмектес” атты ойын өткізіліп, бір-біріне қолдау көрсету, достық пен сыйластықтың маңызы түсіндірілді.
Іс-шараның мақсаты – балалардың бойында мейірімділік, жанашырлық қасиеттерін қалыптастыру, айналадағы адамдарға және табиғатқа қамқорлықпен қарауға тәрбиелеу, көмек көрсетуге деген ниетті дамыту. Осындай игі шаралар арқылы тәрбиеленушілер жақсылық жасаудың маңызын түсініп, бір-біріне қамқор болуға үйренеді.
