14 наурыз – Көрісу күні. Бұл күні амандасып, үлкенге құрмет, кішіге ізет көрсететін ерекше дәстүріміздің белгісі. Балабақшада Көрісу күні (Амандасу күні) тәрбиешілер мен балалар бір-бірімен көрісіп тілектерін білдірді. Ұлттық дәстүрді дәріптеген бұл сәттер бәрімізге жылулық сыйлады.
«Жылы лебіздер» атты таңғы шеңберден басталды. Балалар шеңберге тұрып, бір-біріне күлімдеп қарап, жылы сөздер айтып амандасты. Олар достарына жақсы тілектер айтып, мерекелік көңіл-күй сыйлады. Бұл балалардың бір-біріне деген мейірімді қарым-қатынасын арттырды.
Келесі кезекте «Досыңмен амандас» ойыны ұйымдастырылды. Балалар музыка ырғағымен қозғалып жүріп, музыка тоқтағанда жанындағы досымен әртүрлі тәсілдермен амандасты: қол алысып, күлімдеп, бас изеп амандасты. Ойын балаларға амандасудың әдептілік белгісі екенін түсіндіріп, достық қарым-қатынасты нығайтты.
Сонымен қатар балалармен «Неліктен амандасу маңызды» тақырыбында әңгіме жүргізілді. Тәрбиеші балаларға амандасу – адамдардың бір-біріне деген құрметі мен сыйластығын білдіретін жақсы дәстүрекенін түсіндірді. Балалар өз ойларымен бөлісіп, үлкендермен және достарымен қалай дұрыс амандасу керектігін айтты.
