Тіл – адамзат үшін ең бағалы құндылықтардың бір. Бойымызға ананың сүтімен дарыған тіл бірінші байлығымыз, баға жетпес қазынамыз. 22 қыркүйекте біздің мемлекетімізде Қазақстан халықтарының тілдері күні атап өтіледі. Соған орай біздің балабақшамызда «Тіл – достық кепілі» тілдер онкүндігі өтті. Қазақстан халқының тілдері күні мерекесіне арналған онкүндік аясында балабақшамыздың бүлдіршіндері топтарда «Алуан-алуан тілдер» атты суреттер көрмесін ұйымдастырды.
« Адамдар неге әр түрлі тілде сөйлейді?» презентациясын тамашалады. Ал ересек және мектепалды даярлық топ балаларымен «Елімді жырға қосамын» атты мәнерлеп оқу сайысы өтті. Мектепалды даярлық топтарының тәрбиеленушілерімен «Тілдарын-2021» викторинасы жүргізілді. Сонымен қатар, балалар түрлі ұлттың ұлттық ойындарын ойнап, өздерінің өнерлерімен, тапқырлық пен шапшаңдылықтарын көрсетті. Еліміз бен тіліміз асқақтай берсін. Мереке құтты болсын!
